IÐAN fræðslusetur og Frostmark hafa gert með sér samning um að Frostmark smíði fyrir IÐUNA tvö kennslutæki í kælitækni.  Annað verður bæði með kæli og frysti meðan hitt verður eingöngu með frysti. Á þessi tæki verður kennt til vottunar í kælitækni.  Meðal annars verða tuttugu og átta mismunandi bilanir á kerfunum bæði í stýri- og kælikerfinu.  Þá verður annað kerfið sérstaklega ætlað til þjálfunar á af- og átöppun kælimiðils. Einnig verður kerfið ætlað til þjálfunar á af- og átöppun smurolíu.  Þetta er aðeins fyrsta skrefið í að málm- og véltæknisvið IÐUNNAR taki að sér vottun íslenskra kælifyrirtækja og manna.

Félag blikksmiðjueigenda og Ísloft ehf buðu nemendum í málmiðnabraut Borgarholtsskóla í heimsókn. Strákarnir fóru vítt og breitt um Ísloft og kynntu sér starfsemina. Verulegur hluti hennar snýst um framleiðslu og uppsetningu loftræsikerfa. Smíðavinnan felst m.a. í formun plötuefnis í stórar einingar, stokka og aðra íhluti í tölvustýrðum vélum.

 

Lokið er fimm mismunandi suðunámskeiðum námskeiðum hjá Málm- og véltæknisviði IÐUNNAR.  Námskeiðin voru í Ál suðu, MIG- brasing og CMT.  Yfir fjörutíu manns sóttu námskeiðin.

Málm-og véltæknisvið IÐUNNAR vígði glæsilega aðstöðu til suðuþjálfunar á Gylfaflöt 19 í dag. Gústav Adolf Hjaltason málmtæknifræðingur sýndi gestum nýjustu tækni við málmsuðu og leyfði viðstöddum að grípa í græjurnar.  Aðstaðan gerir kleift að kenna nemendum TIG suðu, koparbras og silfurkveikingu, MIG/MAG suðu, pinnasuðu og logsuðu. Næsta námskeið verður haldið í álsuðu 16. október. Skráning hér.

Námskeiðið ,,Bestu aðferðir rekstrar" hófst stundvíslega klukkan 14.00 í dag. Tólf þátttakendur eru skráðir til leiks og kennari er Jón Hreinsson, fjármálastjóri Nýsköpunarmiðstöðvar Íslands. Námskeiðið er hið fyrsta af tveimur námskeiðum á haustönn sem aðildarfélögum IÐUNNAR standa til boða við Háskólann í Reykjavík. Á þessu námskeiði verður veitt yfirlit yfir rekstraraðferðir, fjármálastjórnun og framleiðslustjórnun í iðnaði. Seinna námskeiðið hefst 29. október og fjallar um mannauðsstjórnun. Námskeiðin eru sérsniðin fyrir stjórnendur og verðandi stjórnendur í iðnaði og eru hluti af samningi milli IÐUNNAR fræðsluseturs og Háskólans í Reykjavík sem undirritaður var síðastliðið vor.    

IÐAN fræðslusetur heldur iðntölvunámskeið PLC.

Frábært iðntölvunámskeið er í gangi hjá málm- og véltæknisviði Iðunnar. Mikil ásókn hefur verið í iðntölvunámskeið Iðunnar.  Annað námskeiðið á haustönn er í gangi núna og það þriðja verður haldið á Reyðarfirði í næstu viku. Líkur eru á að það fjórða verði sett upp nú á haustönn. Þeir sem vilja taka þátt verða að skrá sig sem fyrst.

Skráning á Idan.is  eða kristjankr@idan.is og í síma: 5906400

Dagana 5. - 7. október voru haldin sveinspróf í vélvirkjun.

Sveinsprófin voru haldin á Akureyri og í Reykjavík. Alls voru 28 sveinsprófstakar.

Mynd úr sveinsprófinu

 

AutoCAD-námskeið IÐUNNAR hafa verið vel sótt í haust. Tveimur Autocad- námskeiðum er lokið auk Inventor-námskeiðs. 

 

Málm- og véltæknisvið hélt sitt fyrsta námskeið hjá Alcoa Fjarðaáli í september s.l. Kennari er Kristján Haukur Flosason sem vinnur nú ásamt Kristjáni Kristjánssyni MVS að þróun námskeiðs í iðntölvustýringum.

Námskeið í málmsuðu verður haldið dagana 1. 2. og 3. október. Skráning hjá málm-og véltæknisviði vinstra megin á síðunni.

Vélstjórar sækja endurmenntun til IÐUNNAR

VM, félag vélstjóra og málmtæknimanna gerði samkomulag við IÐUNA fræðslusetur um endurmenntun allra félagsmanna. Samkomulagið nær til allar námskeiða málm- og véltæknisviðs.